Samkvæmt áætlun munu uppgjör Kviku verða birt sem hér segir. Dagatalið er birt með fyrirvara um breytingar.

Eldri grunnlýsingar

Grunnlýsing júní 2022

Grunnlýsing apríl 2021

Grunnlýsing 2020

Viðauki við grunnlýsingu 25.11.2020

Grænn fjármögnunarrammi Kviku

Kvika gaf út græna fjármálaumgjörð (e. Green Financing Framework) árið 2021 og uppfærði árið 2024 undir heitinu grænn fjármögnunarrammi (e. Green Funding Framework) sem rammar inn stefnu bankans í umhverfisvænni fjármögnun og lánveitingum. Einn af lykilþáttum fyrir framgang sjálfbærrar þróunar er að fjármagni sé beint í sjálfbæra uppbyggingu. Þar gegna fjármálastofnanir mikilvægu hlutverki og geta haft veruleg og jákvæð áhrif.

Grænn fjármögnunarrammi Kviku lýsir sjálfbærnistefnu bankans, stjórnkerfi Kviku í sjálfbærni og hvernig fjármunum er úthlutað til grænna verkefna á borð við lánveitingar. Í rammanum er með skýrum og gegnsæjum hætti gerð grein fyrir þeim skilyrðum sem lánveitingar bankans þurfa að uppfylla til að teljast umhverfisvænar en slíkar lánveitingar geta meðal annars snúið að orkuskiptum í samgöngum, umhverfisvottuðum byggingum, endurnýjanlegri orku, vörum og ferlum sem eru aðlöguð að hringrásarhagkerfinu ásamt verndun lífræðilegs fjölbreytileika.

Grænn fjármögnunarrammi Kviku byggir á alþjóðlegum viðmiðum (e. Green Bond Principles) sem Alþjóðasamtök aðila á verðbréfamarkaði (International Capital Market Association) hafa sett saman. Samkvæmt viðmiðunum byggir ramminn á fjórum stoðum:

1. Ráðstöfun fjármuna (e. Use of Proceeds)
2. Ferli við mat og val verkefna (e. Process for Project Evaluation, Selection and Exclusions)
3. Stýring fjármuna (e. Management of Proceeds)
4. Skýrslugjöf og úttekt (e. Reporting and External Review)

Ramminn hefur fengið jákvætt ytra álit frá alþjóðlega mats- og greiningarfyrirtækinu Sustainalytics. Þar kemur meðal annars fram að grænn fjármögnunarrammi Kviku sé trúverðugur og hafi alla burði til þess að verða áhrifaríkur.

Grænn fjármögnunarrammi Kviku banka hf. 2024

Græn fjármálaumgjörð Kviku banka hf. 2021

Ytra álit Sustainalytics 2024

Ytra álit Sustainalytics 2021

Frekari upplýsingar um sjálfbærni hjá Kviku banka, þar á meðal skýrslur og úrdrátt úr stefnum bankans, má finna hér: Kvika - Sjálfbærni

Lánshæfismat Kviku

Matsfyrirtækið Moody‘s Investors Service leggur tvíþætt mat á lánshæfi samstæðu Kviku banka, annarsvegar lánhæfismat innlána hjá samstæðunni (e.bank deposit rating) og hinsvegar lánshæfi samstæðunnar sem útgefanda (e.issuer rating). Fyrsta lánshæfismat Kviku var gefið út í maí 2022.

Gildandi lánshæfismat

Innlán (e.deposit rating)

Mat Moody‘s á lánshæfi innlána er álit á getu banka til að endurgreiða stundvíslega innlánaskuldbindingar sínar í erlendri- og/eða innlendri mynt og endurspeglar einnig væntanlegt fjárhagslegt tap kæmi til vanskila.

Útgefandi  (e.issuer rating)

Mat Moody‘s á lánshæfi útgefanda endurspeglar getu samstæðunnar sem útgefanda til að standa við skuldbindingar vegna útgefinna skuldaskjala að fullu og á réttum tíma.

Þróun lánshæfismats Kviku